Asemblea Xeral 2009, a xestión mais contestada

O sábado 20 de xuño celebrouse na Coruña a Asemblea Xeral de Caixa Galicia, a aprobación das contas e a xestión do exercicio 2008 foi a mais contestada da historia, coa intervención dos Conselleiros de persoal pero tamén de clientes. O Director negouse a contestar as preguntas formuladas pola CIG.

Jose Luis Méndez apelou aos seus anos de mandato (dende 1978 dixo) e tratou de escudarse na dificil situación económica xeral por mor da crise, unha crise que dixo era froito do "azar", para xustificar a situación da Caixa Galicia, pero foi insuficiente para evitar que a xestión do ano 2008 fora a mais contestada.

En primeiro termo interveu o Conselleiro Xeral en representación do persoal, elexido co apoio da CIG, Clodomiro Montero, que denunciou a ocultación de datos a Asemblea co fin de evitar asumir responsabilidades.

Relatou a restructuración á que esta sometida a Caixa e as repercusións laborais (o peche total, parcial ou temporal de 105 oficinas); o peche de servizos centrais; a desaparición das equipas de substitucións; o despido dos temporais; o impago da suba salarial pactada para este ano; a desaparición unilateral da retribución variable no mes de xuño con efectos de xaneiro; e por último o “Plan Ocio y Trabajo” presentado esta semana e que calificou como “regulación temporal encuberta”.

Tivo tamén unha parte dedicada a situación económica da Caixa e rematou facendo unha serie de preguntas ao Director Xeral, preguntas que este tratou de evitar entrando nunha confrontación persoal.

Preguntou si a Caixa acudirá ao Plan de Rescate que prepara o goberno central; si estaba aberto a unha fusión que levara a perda do caracter galego da Entidade e a desparación da sede e dos servizos centrais da Coruña (a esta pregunta o Director respondeu que o representante da CIG tiña unha visión reducida e pechada, que Caixa Galicia xa era unha entidade estatal); preguntouselle tamén si houbera ou si haberá dimisións ou ceses no equipo da alta dirección en asunción de responsabilidades pola mala xestión; preguntouselle pola súa opinión ante a calificación por parte de Moodys (lembrandolle que na Asemblea 2007 referira a eles como mis amigos de Moodys) da emisión de participacións preferentes como bonos lixo; e por último ante os recortes que afectan ao cadro de persoal pediuselle que informase dos salarios individualizados da alta Dirección.

Malia evitar contestar a maior parte das preguntas, nunha segunda intervención, xa noutro punto e sen intervención previa da CIG, o Director Xeral dende o estrado dixo: “Sr Clodomiro sepa que me tiene usted enfrente”, demostrando así o seu nerviosismo ante quen lle pediu explicacións, algo ao que evidentemente non está acostumado.

Posteriormente interviu por CCOO, na Asemblea da Entidade galega, o catalán Josep Olivé, nun tón crítico pero mais conciliador. Ao longo da súa intervención entrou tamén na situación do persoal, no peche de oficinas, nos recortes salariais e no hostigamento ao persoal. Pediu tamén responsabilidades e tendeu a mán a dirección para abrir un diálogo.

A sorpresa foi a intervención dunha Conselleira Xeral en representación dos clientes, que explicou un grave caso de acoso laboral que está a padecer o seu marido nunha empresa participada pola Caixa, Inseco. O Director Xeral dixo, nun tón pouco afortunado, que falaría co Conselleiro Delegado desa empresa.

No punto 7, relativo ao Plan de Xestión 2009 tampouco houbo unanimidade: a CIG votou en contra e CCOO abstivose.

Unha das anecdotas do día foi a protagonizada polo Presidente da Deputación Provincial da Coruña, o socialista Salvador Fernández Moreda. Como Vicepresidente da Caixa estivo sentado na mesa presidencial, a súa cara durante as intervencións dos Conselleiros críticos, foi obxecto de numerosos comentarios, xa que parecía dicir “Dios mio donde me he metido”.