Cando a CIG fixo público o seu informe sobre o impacto laboral da fusión, tiña como obxectivo poñer por riba da mesa as consecuencias laborais de calquera decisión a respecto do futuro das entidades. Asitíamos con preocupación a outros procesos onde o custe laboral situouse por detras do reparto de poder. Optar por minimizar o impacto como fixeron outros, facendo seus os datos interesados feitos por Caixa Galicia, houbera sido un erro.
Ata aquel momento semellaba que a decisión sobre o futuro só atinxía ao Presidente da Xunta e os directivos das Caixas. Daquela instamos publicamente á Xunta de Galicia para que o Presidente liderase un consenso político, social e sindical sobre o futuro das entidades.
Neste senso o anuncio realizado por Nuñez Feijoo de que nos vindeiros dez días recibirá aos partidos políticos, empresarios e sindicatos chega con retraso. Moita incertidume e especulacións, moi negativas para as Caixas e o seu persoal se houberan evitado de ter actuado daquela. Tamén se houbera evitado o reforzamento das posicións persoalistas e localistas.
Con todo hai que dicir que cumprimos un dos nosos obxectivos, noutros casos que hoxe son traumáticos os sindicatos non tiveron participación previa, debido ao seu apoio irresponsable e acrítico aos procesos de fusión. Galiza marcará a diferenza, os postos de traballo estaran sobre a mesa dende o primeiro momento, pensamos que parte do mérito corresponde á estratéxia da CIG.
Tampouco é menos certo que neste tempo Caixa Galicia e Caixanova puxeron por riba da mesa a opción do SIP. A división, desguace, reducción e deslocalización das Caixas de Aforros. Un perigo inminente que debemos conxurar.
Conseguimos que nos reciban, pero non está garantido que se escoite a nosa voz, por iso a loita en defensa dos postos de traballo e das Caixas de Aforros Galegas continua.
Sem comentários:
Enviar um comentário