14.11.09

Continua o bochorno no caso Ontiveros.



Segundo publica o Correo Gallego Caixa Galicia afirmou que Emilio Ontiveros abandonou o Consello de Administración de CXG Caixa Galicia fai un ano, dende AFI contestaron que fai uns meses. O seu nome desapareceu da páxina web de CXG, pero xa temos solicitada información ao rexistro para comprobar o afirmado.

A CIG-Caixanova denunciou que o informe presentado por Caixanova á Xunta de Galicia contrario a fusión das Caixas Galegas e favorable a un SIP fora de Galiza, fora realizado (previo pago) pola empresa AFI de Emilio Ontiveros, economista próximo ao PSOE con aceso directo á Moncloa.

Cesado polo Banco de España

Emilio Ontiveros pertencía ao Consello de Administración de Caja Castilla la Mancha, entidade intervida polo Banco de España e ademais está sentado no consello de administración de CXG Caixa Galicia, grazas a amistade persoal que manten con Jose Luis Méndez.

Seu é tamén o informe de fusión da Caixa Cataluña, Manresa e Tarragona, nese caso favorable a fusión. Curiosamente nesa fusión que el asesora foi onde as empresas puxeron 600 despedimentos por riba da mesa.

Por último todo apunta a que o informe presentado polo empresariado de Vigo, non é propio, é un resumo do solicitado por Caixanova á consultora AFI de Ontiveros. Detras destes empresarios está a longa sombra do excelentísimo xubilado de Vigo.

1 comentário:

Platón disse...

Xa o dixo o filósofo: DEUS OS DÁ E ELES SE XUNTA..N.